दुःखाची प्रीती

दुःखाची प्रीती 


दुःखाच्या तप्त मुद्रांनी 
सांभाळलेले तुझे अश्रू 
माझ्या डोळ्यातून वाहू दे 
तुझे साखळलेले अपूर्ण श्वास 
माझ्या हृदयात तेवत राहू दे 
वेदनेच्या गाभाऱ्यात 
उमललेली ज्योतफुले 
माझ्या रुक्ष केसात माळू दे 
तू पुजलेले स्वप्नांचे दगड 
नक्षत्रांच्या खुणा म्हणून 
देहात माझ्या मला मिरवू दे 
पाहू दे प्रतिबिंब तुझे माझ्यात 
मृगजळाच्या उदास काठी 

तुझे दुःख 
चांदण्याचा मोहोर 
अश्रापाने जळल्याचे 
.
.
.
.
जोगी 
मला प्रीती तुझ्या दुःखाची !!!


------कविता