बद्ध आणि मुक्त

बद्ध आणि मुक्त



तिच्या 
डाव्या हातात पिंजरा 
पिंजऱ्यात प्राणाचे पाखरू 

ती 
वठलेले जुने झाड 
झाडाच्या पारावर पारंब्या 
तेथे देवाचा खेळ 
(जणू 
प्रीतीत प्रीती  
भीतीत भीती 
तसा
देवाच्या खेळात 
देवाचा खेळ )

ती 
चालते झपाझप 
आकार घेते काळोखाचा 
आभासाची जडेल सृष्टी 
तिच्या बंद डोळ्याआड 
 
ती 
पाषाण यूगायुगांचा 
तिचे आकाश पाषाण 
तिचे अस्तित्व पाषाण 
ती होते तेव्हा अहल्या 
बद्ध आणि मुक्तही 

-----कविता