तुझ्यासारखा सखा

तुझ्यासारखा सखा


श्रावणातल्या उन्हा पाहिजे तुझ्यासारखा सखा 
भोळा भोबडा तरीही हट्टी 
आल्हाळ पाल्हाळ त्याच्याच गोष्टी 
तुझ्याइतका नजीक तुझ्याइतका समीप 
जणू अंगणात तेवावा प्राजक्ताचा मंद दीप 
मातीत पाऊल भिजताच 
पावसाची ना ओलांडेल मीट 
पैंजणात अडखळेल त्याची सावळी प्रीत 
विसरेल चाहुली क्षणाच्या युगाच्या 
तरी भासेल तो ब्रम्हदिठी   
मी होईन त्याचीच सावली 
देईल उपाधी मला अमृत गोरटी 
त्याच्या पाऊली निजेल वारा 
त्याच्याच अंतरी गुंजतील तारा 
ओळखीआधीच त्याची आहे ओळख 
मृगजळापरी भुलविते हे गूढ सुख  
श्रावणातल्या उन्हा पाहिजे तुझ्यासारखा सखा 

----कविता