मनातीत
गुणगुणावे पाऊस गीत
कधी गवसावे कधी हरवावे
अशी जडते त्याची प्रीत
उदास साचल्या मनास
कळतो मग आकाश डोह
फार दुरून येती पक्षी
आळवीत संथ अवरोह
दिसतो गहन मनास
शांत भीतीचा सुन्न उजेड
काळे कवडसे उजवीता
जन्मते वेदनेचे खोड
दूर डोंगराएवढी मातते
दर्याची खोल जमीन
दव व्याकुळ अर्थ कोवळे
शब्द पांघरते उन उन
एक एकट्याच मनात
गुणगुणावे पाऊस गीत
गावा दोहा किंवा अभंग
मन मनापुढे मनातीत
-----कविता
No comments:
Post a Comment