विचारांचे एकटेपण
विचारांचे एकटेपण मालवावे म्हणून
तेवत ठेवते कथेतले एकेक पात्र
जणू तिन्हीसांज कायमची
येवून ठेपली आहे
घरभरणी झालेल्या
नववधू उन्हातून
या कथेतल्या काचेच्या महालात
गर्दी आरश्यांची
आरश्यात आरश्याला निहाळणारी
मी एकटीच
समुद्र अनेक दिशांनी विस्तारत जातो
आणि त्याच्या किनाऱ्याला वाळवंट
समुद्राशी बोलत राहते
ऐकू येत नाहीत
माझेच आवाज मला
निव्वळ पत्ते बदलले
म्हणून घर बदललेसे वाटते आहे
तरीही भिंती त्याच
विचारांचे एकटेपण मालवावे म्हणून
तेवत ठेवते कथेतले एकेक पात्र
या खोलीच्या अवकाशात
झुंबरातील वितळत्या मेणबत्तीप्रमाणे
----कविता
No comments:
Post a Comment