बर्फ-लोणी
रुईचा तारा लखलख
निळेशार आकाश पाणी
गाभारयात रुद्राचा घोष
ओघळते चांदीचे पाणी
सागरात डुंबला ऐरावत
पर्वतलाटा दुधाळ खेळ
पर्वतलाटा दुधाळ खेळ
गोकुळात नांदे कान्हा
बर्फ-लोणीचा स्नेह मेळ
रंध्रात ओळखीचा ऋतू
राजहंसाचे नुरले भान
नक्षत्रांचे शुभ्र सरोवर
ब्रम्हलीलेस ये उधाण
कापुराची झांज आरती
धवल झाली कृष्णमाया
काळ गोठला काळ लोटला
पावसाठायी तिन्ही छाया
-----कविता
No comments:
Post a Comment