अखंड
मीच मी माझ्यात राहते मग्न
मीच मी माझ्यात राहते मग्न
कवितेचा यज्ञ चालला अखंड आहे
तेवते ज्योत पेटला गगनधूर
समिधेत माझ्या मीच उदंड आहे
जरी जगा वाटला धिक्कार माझा
मला सर्वस्वी आहे स्वीकार माझा
मौनगंगेतले असे जरी विश्व माझे
या त्रिखंडात गाजतो अधिकार माझा
कुणा वाटेल वंचना कुणा वाटेल
अपराजित अहंकार माझा
ध्येयवाटेत आहे गवसला मला
हाच तो जगण्याचा अलंकार माझा
कुठे कापरासम न उरली मी आता
विजेसारखी मी ही लख्ख झाले
कितीदा जळु मी फुलासारखी
दिले दान जगण्याचे मुक्त झाले
मीच मी माझ्यात राहते मग्न
कवितेचा यज्ञ चालला अखंड आहे
-----कविता
No comments:
Post a Comment