हळद उष्टी
थरथरणारे मोरपीस अन गाल गुलाबी कुसुमसडे
रानथवे नाचती कधीचे हळद उष्टी उन्ह पडे
मंदमंद ओठावर येते नाव त्याचेही अचुकवेळी
गुणगुणते मीच मला की तोच गातो कातरवेळी
पाहूनी मग नभआरसा लाजेत खुलते मी आपसुक
श्शुक कुणा ना सांगायचे झाली आहे त्याची चूक
स्मरुनी सये अता साजण भेटला ग मला श्रावण
प्राजक्ताची थेँबसर चांदणअंगण मोतीशिँपण
हळूहळू उलगडेल मजला त्याची माझी अतूट प्रीत
बंदबंद पापण्यास आहे सुचले स्वप्नगीत स्वप्नप्रीत
-------कविता
No comments:
Post a Comment