तत्वज्ञान आणि मूळपुरुष

तत्वज्ञान आणि मूळपुरुष

तत्वज्ञानाचे वडील सांगतात
पुढील सात पिढ्यांना पुरेल
इतके अमाप धन मी कमावले

तु करु काहीच नको
जपुन ठेव माझा ठेवा
किडा मुंगी वाळवी 
लागु देऊ नको

किँवा 
याच साठवलेल्या
अमाप राशीवर चढ पहा
तुला तेच दिसेल
जे मला दिसले

पण तत्वज्ञानाला 
चढायचे नाही त्या शिखरावर
वा जपायचे देखील नाही 
तो ठेवा
त्याला शोधायची आहे
अनुभवाची यात्रा

सिध्द तेच होईल
असे वाटते 
तत्वज्ञानांच्या वडिलांना
विज्ञानाइतके आयुष्य 
वस्तुनिष्ठ का नाही ?
प्रत्येक आयुष्याच्या शोधानंतर
जुना सिध्दांत नव्याने सिध्द
काळाच्या ओघाला
असावे का एखादे छिद्र ?
जिथे ऋणातच भागले जातात
अवशेष इतिहासाचे

तत्वज्ञानाच्या मुळपुरुषाकडे
असतील यांची उत्तरे ?
नसतील
तत्वज्ञानाला एकच पिढी असते
जन्मोजन्मी
त्याला नाही शरीर आणि मन 
पुन्हा जन्म घेणारे"



-----कविता