जादुची ट्रीक समजली
जादुच कळाली नाही
तासतासभर वाट पाहण जमत गेल
तासांची वर्ष झाली
नंतर नंतर सवय देखील झाली
स्पर्शाची भाषा डोळ्यांना कळाली
डोळ्यांची ह्रुदयाला
पण कळालीच नाही
ओढ वेड अस्वस्थता
केवळ जादुची ट्रिक समजली
न कळण्यापलीकडे काहीच उरले नाही
म्हणूनच प्रार्थनेसाठी हात देखील जोडले नाहीत
निरखले आपलेच तळवे भोग नशीब
मनासारखे होवूनही तथास्तु म्हणणारा
आवाज ऐकू नाही आला
जादुची ट्रीक समजली
पण जादुच कळाली नाही
-----कविता
No comments:
Post a Comment