राजा गुलाम झाला

शब्दांची फितुरी झाली ,फितुरीचे शब्द झाले
युध्द जन्मभुमी झाली ,जन्मभुमीवर युध्द झाले
दवंडीचे कौतुक झाले ,कौतुकाची दवंडी पिटली
वस्त्यांचे बाजार झाले ,बाजाराची वस्ती झाली
तुरुंगाचे घर झाले ,घरातुन तुरुंग माजला
-सरतेशेवटी राजा गुलाम झाला

मातीचा देव झाला ,देवाची माती झाली
जत्रेत सोँग भरली ,सोगांची जत्रा झाली
नवसाचे अध्यात्म झाले ,अध्यात्माचे नवस झाले
उपकारांचे ओझे झाले ,ओझ्याचे उपकार मानले
सगुणातुन निर्गुण झाला ,निर्गुणातुन सगुण झाला
-सरतेशेवटी राजा गुलाम झाला

पोकळ होती ती वाद्य झाली
कागदाची कविता झाली
मयखान्यात तहान शमु लागली
नदी नाले आटु लागले
घोडे निव्वळ नाचु लागले
भुकेने जग मरुन गेले
विचार झाला आचार झाला
तह झाला शह झाला
-सरतेशेवटी राजा गुलाम झाला


----कविता