अढळ ध्रुवपद

अढळ ध्रुवपद

रजेचा अर्ज टाकुन ती झोपुन टाकली दिवसभर .
लहान असताना कधी आजीने सांगितलेली 
ध्रुव बाळाची गोष्ट आठवत राहिली
अशा सत्वहीन वाटणारया वेळेत
बालपण का आठवाव ?
तिच तिलाच नवल वाटलं
जड धुपट्यातल्या ओझ्यात 
उबदार वाटणारया स्वतःच्या कुशीत
स्वतःलाच ओढुन घेतल
शिँपल्यात मोती मिटावेत तसे आपलेच तळहात 
आपल्याच चेहरयाला लावले
ऐकत राहिली पंडितजीची बागेश्री बहार
अहमद फराजची गझल
कुसुमाग्रजांच्या कविता
जग सुंदर केलेल्यांचे आभार मानत राहिली
पाऊस कोसळला ओसरुन गेला
पुन्हा तेच तिचे अढळ ध्रुवपद
तिच्या साम्राज्यातले
कुंकुभरला मळवट
शिजणारी डाळ
सकाळचे डबे
रात्रीची सिरीयल
आणि गार बर्फासारखी थंड दुपार

----कविता