पण मावळत नाही

दिवस उगवतो पण मावळत नाही 
बदलत राहतात शिफ्ट
बदलत जातात वेळा
सुर्य तळपत राहतो तसाच माध्यान्हाला

भुक लागते तहान लागते
उचकी येते ठसका लागतो
दमा भरतो श्वास थकतो
हसु येत रडु येत
भागत काहीच नाही
साठत राहतात यांची गुणोत्तर
कोडिँग डिकोडिँग करत

हात हलवत राहतात
शहरभर पसरलेले दिवे
दिपस्तंभासारखे
दाखवतात हजार वाटा
एकाही वाटेवर असत नाही उन्ह
नसते सावलीही

दाटुन येतो अश्यात उमाळा
भरतात आठवणीँचे ई कल्लोळ
होतात ई गप्पा
पुढच्या हळव्या क्षणापर्यँत
साठल जाते अधांतरी दुरचे जगणे
गजबज होते एकटेपणाच्या शहरात
पण शहर एकटे सोडत नाही

भिँतीला असावा कोनाडा
हायवेला असावा फुटपाथ
तसे असते घर या जगण्याला
दिवस उगवतो पण मावळत नाही


---------कविता