पाठवल्यानंतर
तुला लिहलेली कविता
तुला पाठवली नाही
तेव्हा दिसु लागलास
तु त्या कवितेत
उदास तिन्हीसांजेसारखा
म्हणुन
तुझ्या कपाळावर
टेकणारया ओठासारखी
पाठवली तुला कविता
आणि मांडीवर घेतली
तुझी तळमळ
जोजवु लागले तिला
त्याच विचारात
समजेल का तुला कविता
त्याआधीच तू
लिहलेस तुझे ओठ
माझ्या तळहातावर
तिन्हीसांज होऊन
पाठ फिरवली
मी माझ्या कवितेकडे
तुला लिहलेली कविता
तुला पाठवल्यानंतर
----कविता
No comments:
Post a Comment