एकरूप स्वप्न

एकरूपतेच्या भिंगातून
वेगळी झालेली
आपली स्वप्न
शोधत आहेत आपापले सत्य
मी राखेपुरती उरली आहे
तू कागदापुरता निमला आहे

तरीही अंटार्टिकावर
न मावळणाऱ्या सूर्यासारखे
खांद्यावर मान टाकून
मला मिठी मारत आहेत
स्वप्नांच्या आठवणी

ओढू पाहते आहे मी मला
त्या आठवणीतून
मला पोहचायचे आहे
स्वप्न होऊन
तुझ्या स्वप्नापर्येंत
पुन्हा एकरूप स्वप्न
पाहण्यासाठी

-----कविता