दान
शुभ्रभोर मोकळ्या जटा
सुरकुतलेले बर्फाळ शरीर
हातात अग्नीकणाची मशाल
तुझ्या याचकाला दान दे
बर्फाळ शरीर अथवा
अग्नीकणाची मशाल
तू मला दान दिलेस
सात पावलांची जमीन
चढणमाथा चढून यायचे
सांगायचे अंतरीची दुःखे
इवले इवले दिवे तेवायचे
दुःखाला आकार आला
तू अवतरलास पुढ्यात
मागितले दान माझ्याकडे
अस्तित्व अथवा दुःख
मी तुला दान केला
पावलाखालचा अंधार
-----कविता
No comments:
Post a Comment