जनाबाई होऊन

जनाबाई होऊन 


चांदण्याच्या शतपावलीत सुरुकुतलेली म्हातारी 
वाट पाहते तिच्या शुभ्र मरण बंगल्याची 
हक्काचे जन्माचे घर कधीचे मागे पडलेले 

द्वैतावर विश्वास असलेली उभी तरुणी तेथेच 
जीवशिव मीलनाची वाट पहात हाती धरून माला 
राजपुत्र घेऊन जाईल राजवाडा किंवा झोपडीमध्ये 

वस्तीगृहा बाहेरच्या अरुंद ट्रेडमील पट्यावर 
तरुणी आणि म्हातारी धावत राहतात दोघीही 
घर अजून येत नाही सापडत नाही दोघींना पत्ता 

तरुणीचे सौंदर्य स्वप्न म्हातारीचे कुरूप मरण 
दोघींचे ध्यासपर्व जाणणारा तो आदिम 'एकटा'
दळत असतो दळण जनाबाईकडे जनाबाई होऊन 




------कविता