शववाहिका

शववाहिका 

माणसे नसलेल्या शहरातून फिरते आहे शववाहिका 
अमाणसांच्या पुंजक्यातला तुटलेला एक माणूस 
चालवत आहे मेलेल्या माणसांची निळी शववाहिका 
चालक त्यांना घेऊन चालला आहे स्मशान तुरुंगात 
दोघांमध्ये तुरुंगाचे उभे गज कोण आत ?कोण बाहेर 
चालकाच्या निर्जीव प्रेतावर रडताहेत माणसांची भुते 
चांगला दांडगा माणूस होता मोठा प्रतिभावंत कवी होता 
तात्पर्य कवीने माणसांचा अमाणसांचा संग्रह करू नये 
कवी मरण्याआधीच अथवा मारण्याआधीच मेलेला बरा 

-----कविता