थोडा उशीर झाला
थोडा उशीरच झाला
शंकेचे प्रत्येक वारूळ ठेचत आले
डंख मारणारे विंचू कि सर्प
कोणास ठावूक
विषाला कोणती जात असते ?
मी रक्तबंबाळ झाले लढाईत
हाच काय तो पुरावा
आजन्मभर तुझी राहिल्याचा
वेळेत आले असते तर
नसतेच स्वीकारले तू मला
थोडा उशीरच झाला
तू मात्र भुकेने मरून गेलास
माझी वाट पाहिली नाहीस
पाण्यात माती मिसळून
गिळलस व्यर्थ अन्न
माझ्या वाटणीला नसणार
भूकेलाही जात नसते
विसरलेच मी
उशीरच झाला
थोडा यायला उशीरच झाला
तू तुझ्याच घरात रहा
मी राहते अंगणात
ना आपली ना परकी म्हणून
थोडा यायला उशीरच झाला
------कविता
No comments:
Post a Comment