विजयाची प्रतिमा
आकाशाला आरसा म्हणाले
आणि पताकांनी दुभंगणारी
माझी विजयाची प्रतिमा
पुन्हा एकदा धुळीत मिळाली
क्षितीजावर इंद्रधनुष्य दिसले
त्याचा विजयाच्या पताका
त्यादेखील
जमिनीतुन जन्म घेऊन
जमिनीत संपणारया
धुळीत पडणारया पतांकाना
नव्हती लांबी रुंदी उंची
त्याना होते ओझे सावलीचे
तेव्हा मीच झाले माझे उन
मी चेतवुन घेतले आकाश
आणि गोंदवुन घेतला पाऊस
मी इंद्रधनुष्य झाले .
ध्रुवबाळा ऐकतो आहेस ना माझी कहाणी ?
-----कविता
No comments:
Post a Comment