तो म्हणायचा.......
तो म्हणायचा
चांदण उन्हात सावलीची स्वप्न पाहताना
डोळे गच्च मिटुन घ्यावेत
मेघ खिडकीवर सरकताना
पडदे हळुच बाजुला सारावेत
काजळवेलीच्या झुकलेल्या
कमानीवरुन
कंकणाचा किणकिण नाद मोहरला की
मग कुंकवाच्या ओठांचा गुलाबछंद आपोआप जडतो राणी
तो म्हणायचा
तो म्हणायचा
विजेची धुन छेडायची तर
आलापीचा सुर झंकार
कोमल वाजणारया पैँजणातुन झंकारला पाहिजे
आरशावर उमटणारया अस्पष्ट चरयाइतका कोमल
मग आळवायची रागधुनी
चंचल सुंगधी मोगरयासारखी
दोरा नसणारया गजरयासारखी
अन अलगद जवळ येते श्याम भैरवी
तुझ्या अंधारभरल्या डोळ्यांसारखी
तो म्हणायचा
तो म्हणायचा.......
-----कविता
No comments:
Post a Comment