कस आभाळ आभाळ
कस आभाळ आभाळ
तुझ्या माझ्यात दाटलं
धुक धूसर ढगाच
माझ्या उरात फाटलं
कस आभाळ आभाळ
पानापानाला टांगलं
हिरव्याकंच चुड्यात
तुझ नाव मंतरल
कस आभाळ आभाळ
चार भिंतीत कोंडल
जन्मभरीच सौभाग्य
माझ्या कपाळी गोंदल
कस आभाळ आभाळ
इंद्रधनून माखल
दव प्रेमाचं माझ्या
तू र रंगान चाखल
कस आभाळ आभाळ
वाऱ्यापाऱ्यात गुंजल
मातीच्या गंधात फुल
तुझ्या भेटीच रुंजल
कस आभाळ आभाळ
उन्हान अस लिंपल
छत तुझ्या सावलीच
माझ्या पायात पिंजल
कस आभाळ आभाळ
मोतियान र जुंपल
चांद आला पौर्णिमेचा
तुझ्या जीवात खुंटल
कस आभाळ आभाळ
अंधातरीच थांबल
ओस काळजात माझ्या
नाव तुझच उरल
----कविता
No comments:
Post a Comment