"स्लो पॉयझेनिंग"
मी कुठेतरी
तुझे जग जगते आहे
वेचते आहे
काळोखाचे तुकडे
काळ्या शाईसारखे
तुझ्या
पुस्तकाचे
न उलगणारे अंतरंग
तरंगते आहे
अधांतरी
मी न लिहिलेल्या
तुझ्या कवितेत
तुझी कविता
बांधते आहे
सांकव
तुला मला जोडणारा
तुला ओलांडून जाणारा
आणि
मला सोडून फेसाळणारया
किनाऱ्यासारखा
तू केलेल्या माझ्या कुटील
आत्महत्येनंतर
वाऱ्यावर भरकट आहेत
माझ्या कवितांचे
अतृप्त आत्मे
आणि सुरु आहे
.
.
.
"स्लो पॉयझेनिंग"
------कविता
No comments:
Post a Comment