हुंदका
मी त्याच्या खांद्यावर
ठेवले ओठांचे शिँपले
त्याने माझ्या खांद्यावर
ठेवले फुलपाखरांचे झुले
मी त्याच्या ओँजळीत
ठेवले स्पर्शाचे सात खडे
त्याने माझ्या ओँजळीत
ठेवले गळके ओँजळीँचे घडे
मी त्याच्या देहावर
ठेवले स्वप्नांचे क्षितीज
त्याने माझ्या वेणीवर
ठेवली फुलांची वीज
मी त्याच्या डोळ्यात
ठेवले आरशाचे नागवेपण
त्याने माझ्या डोळ्यात
ठेवले आंधळे आभाळ अंगण
मी त्याच्या आकांक्षेत
ठेवले माझे अचंचल मौन
त्याने माझ्या भितीत
ठेवले गुढतेचे अबोल ऋण
.
.
.
.
.
मी त्याच्या शरीरात
ठेवला जाणीवेचा हुंदका
त्याने माझ्या प्रेतावर
ठेवला नेणीवेचा हुंदका
-----कविता
No comments:
Post a Comment