अश्मयुगीन क्रांती
तुटलेल्या संवादाची घरे
ज्या वस्तीत उभी राहतात
तिथे सुरु होते पुन्हा अश्मयुग
दगडाची माणस
दगडाचे काळीज
दगडाचे अश्रु
दगडाचे रक्त
पुन्हा सुरु होतो उत्क्रांतीवाद
समाजप्रियतेचा
समुहप्रेमाचा
पुन्हा शिवले जाते
संवादाचे चामडे
नाद घुमत राहतो
माहित नसणारया शब्दांचा
.
.
.
.
.
तु बोलत नाहीस माझ्याशी
म्हणुन करत राहते
उगाचच
सारयांना फोन
जाणवते प्रत्येकाला
माझी संवेदनशीलता
माझी समाजप्रियता
पण उमजत नाही कोणाला
माझी अश्मयुगीन क्रांती
-----कविता
No comments:
Post a Comment