चातक

चातक

दाटलेल्या अंधारात
वीज होवून जा
माझ्या महाली येवून जा
शापित चातकाला
प्रेमाचा थेंब देवून जा

नाहीच जमले तर
तुझ्यावर उधळलेल्या
डावांवर हसून जा
बंधलेल्या शापावर
थोडेसे रडून जा

जगलो असेन तुझ्याचसाठी
उरलो आहे तुझ्याचसाठी
चुरडलेल्या पंखाना
व्यंग म्हणून
तिरस्कार तरी करून जा

नाहीच जमले तर
माझे प्राण मला देवून जा
अथवा मरणाला सोबतीस
देवून जा
पण एकदा बरसून जा

रित्या तुझ्या ओंजळीत
देयीन मी पाणी
रुक्ष तुझ्या मनास
भिजवेन क्षणोक्षणी
टिपलेत मी
माझ्या आसवांचे पाणी
ते तरी घेवून जा

नाहीच जमले तर
मला विसरून जा
विसरताना आठवशील
एकदा तेव्हा
मी येयीन तुझ्या महाली
सोबत तुझ्या आठवांना

-----कविता