कविता हरली

कविता हरली 

कोसळून गेली 
मनाच्या कोपऱ्यात 
आघात करून 
चर खणून गेली 
विशेषणांची करून झोळी 
अनाम कर्त्याची 
तिने दानत मागितली 


अन .....
फाटक्या पदरात 
बंबाळलेले शब्द घेवून 
निघून गेली 
तिच्या पाठमोऱ्या 
आकृतीबंधात ...
माझी व्यथा 
तिच्या छायेतून 
आरपार निघून गेली 


जीत माझी होती 
अन हारही माझीच 
पण ....
ती तरली होती 
फसली होती 
रडली होती 


अन अखेर 
आज हरली होती 
माझी कविता हरली होती 
हरली कविता हरली होती 


-----कविता